சமுத்திரக்கனி நடிக்கும் ‘‘ராமம் ராகவம்’’ – அப்பா மகன் உறவை சொல்லும் கதை
நடிகர் சமுத்திரக்கனி தமிழ் மற்றும் தெலுங்கில் பிசியான நடிகராக பல படங்கள் நடித்து வருகிறார்.
அப்பா மகன் உறவை சொல்லும் படமாக, குடும்பத்தோடு கண்டுகளிக்கும் படமாக உருவாக்கப்பட்டிருக்கும் ‘‘ராமம் ராகவம்’’ தெலுங்கு நடிகர் தன்ராஜ் இயக்கியுள்ளார்.
இத் திரைப்படத்தில் சமுத்திரக்கனி அப்பாவாகவும், தன்ராஜ் மகனாகவும் நடித்திருக்கிறார்கள்.
சமீபத்தில் தெலுங்கு திரையுலகை சார்ந்த சிலர் ராமம்ராகவம் படத்தை பார்த்தவர்கள் சமுத்திரக்கனியையும் இயக்குனர் தன்ராஜையும் வெகுவாக பாராட்டியிருக்கிறார்கள். மேலும் சமூகத்திற்கு அவசியமான அதே சமயம் கலகலப்பான குடும்ப காவியம் இந்த ராமம்ராகவம் என்றும் பாராட்டியிருக்கிறார்கள். இந்த படத்தின் கதை சிவபிரசாத் யானலா எழுதியிருக்கிறார். தமிழ் மற்றும் தெலுங்கில் நேரடியாக வெளியாக இருக்கிறது ராமம் ராகவம் திரைப்படம்.